Shyǵys Qazaqstanda 3 myńnan astam adamdy kene shaqty
ÓSKEMEN. QazAqparat – Shyǵys Qazaqstan oblysynda 3 myńnan astam adamdy kene shaqty, dep habarlaıdy QazAqparat tilshisi.
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńir boıynsha sáýir aıynan beri endemııalyq aýmaqtarda 3102 adamdy kene shaqty.
Eń kóp keneden zardap shekkender – Óskemen turǵyndary (1461). Odan keıin Rıdder qalasy (629) men Altaı aýdanynyń (387) halqy tur. Al Zaısan, Samar jáne Ulan aýdandarynda kenelerdiń belsendiligi eń tómen.
«Kene entsefalıtine shaldyqqan 4 adam tirkeldi. Úsh jaǵdaı Óskemen qalasynda, bireýi Katonqaraǵaı aýdanynda bolyp otyr. Naýqastar kene shaqqannan keıin medıtsınalyq kómekke júginbegendikten olarǵa kenege qarsy ımmýnoglobýlın salynǵan joq», - delingen aqparatta.
Foto: blog.doc.help
