Shyǵys Qazaqstanda 3 myńnan astam adamdy kene shaqqan
ÓSKEMEN. QazAqparat – Shyǵys Qazaqstan oblysynda 3 myńnan astam adamdy kene shaqty, dep habarlaıdy QazAqparat tilshisi.
ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, epıdemıologııalyq maýsym bastalǵaly beri 9 endemııalyq aımaqta 3 202 turǵyndy kene shaqty. Ótken jyly bul kórsetkish – 3 229 quraǵan. Onyń ishinde 14 jasqa deıingi balalar úlesi - 31,1%.
Kene shaqqandardyń 86%-yna, ıaǵnı 2 733 adamǵa ınfektsııadan qorǵaý úshin vırýsqa qarsy ımmýnoglobýlın salyndy. Al 17,2%-y medıtsınalyq mekemege kesh júgingenine, óziniń bas tartýyna jáne sońǵy kúnderi ımmýnoglobýlınniń jetispeýshiligine baılanysty egilmedi, - delingen habarlamada.
Aıta keteıik, keneden zardap shekkenderdiń úlesi boıynsha kósh basynda Óskemen (40%) tur.
«Epıdemıologııalyq maýsymnyń basynan kene entsefalıtiniń 12 jaǵdaıy tirkeldi. Bul patsıentterdiń eshqaısysy aýrýdyń aldyn alý maqsatynda kene shaqqanyn aıtyp, dárigerge habarlaspaǵan. Sondaı-aq olar keneden qorǵaný úshin saqtyq sharalaryn ustanbaǵan», - dep habarlady departament ókilderi.
