Shyǵys Qazaqstanda 3 kólik órtendi
ÓSKEMEN. QazAqparat – Óskemen, Semeı qalalarynda jáne Borodýlıha aýdanynda kólik órtengen, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 27 jeltoqsanda Semeıdegi Aeroportovskıı kóshesinde ornalasqan jer úıdiń aýlasynda «Daewoo Matiz» kóliginiń qozǵaltqyshy órtengen.
«Sondaı-aq, órt sóndirýshiler Óskemendegi Mendeleev kóshesinde 1992 jylǵy «Mazda 626» avtokóligin sharpyǵan, jalpy aýdany 3 sharshy metrdi quraǵan tilsiz jaýdy aýyzdyqtady. Budan bólek, Borodýlıha aýylyndaǵy «Volkswagen Multivan» kóligindegi órt sóndirilgen. Kólik qozǵaltqyshynda shyqqan qyzyl jalynnyń aýmaǵy 2 sharty metrge jetti», - dep habarlady vedomstvo ókilderi.
Úsh oqıǵada da órttiń shyǵý sebebi qaýiptiligi joǵary agregatpen abaısyz jumys atqarýdan bolýy múmkin.
