Shyǵys Qazaqstanda 3 balany kólik qaǵyp ketti
ÓSKEMEN. QazAqparat – Shyǵys Qazaqstan oblysy Shemonaıha aýdanynda 3 balany kólik qaǵyp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 19 naýryzda Shemonaıha qalasyndaǵy Vokzalnaıa kóshesinde boldy.
«Nissan Skyline kóliginiń júrgizýshisi 2007, 2013 jáne 2018 jyly týǵan úsh balany qaǵyp ketken. Túrli dene jaraqattaryn alǵan balalar aýdandyq aýrýhanaǵa jetkizildi. 25 jastaǵy er adam ustalyp, ızolıatorǵa qamaldy», - delingen aqparatta.
Atalǵan fakti boıynsha QR Qylmystyq Kodeksiniń 345-baby 2-bóligine (Kólik júrgizýshisiniń abaısyzda aýyr dene jaraqatyna ákep soqqan jol júrisi nemese kólik quraldaryn paıdalaný qaǵıdalaryn buzýy) sáıkes sotqa deıingi tergeý bastaldy.
Birqatar sot-medıtsınalyq saraptamalar taǵaıyndaldy. Sonyń qorytyndysy boıynsha protsessýaldyq sheshim qabyldanady.
