Shyǵys Qazaqstanda 29 jastaǵy jigit sýǵa batyp ketti
ShEMONAIHA. QazAqparat – Shyǵys Qazaqstanda jigit sýǵa batyp ketti, dep habarlaıdy QazAqparat oblystyq tótenshe jaǵdaılar departamentiniń baspasóz qyzmetine silteme jasap.
Qutqarýshylar 1991 jylǵy jigittiń denesin sýdyń astynan 3,5 saǵattan astam ýaqyt izdegen. Ol Oba ózeniniń jaǵasynda, Shemonaıha qalasynan 6 shaqyrym jerde demalyp júrgen. Shomylýǵa ketip, bir kezde sýǵa bata bastaǵan. Oǵan kómekke bir áıel asyqty, biraq batyp bara jatqan er adamǵa jete almady.
«Oqıǵa ornyna kelgen qutqarýshylar er adam batyp ketýi múmkin oryndy tekserip shyqty. Jaǵadan 50 metr jerde tereńdigi 6 metr úlken or bar. Súńgýirler osy jerdi tekserdi, biraq sýǵa batqan er adamnyń denesin taba almady», - dep túsindirdi vedomstvodan.
Er adamnyń denesin jergilikti turǵyn qutqarýshylar izdegen jerden tómen qaraı 5 shaqyrym qashyqtyqtan taýyp alǵan. Er adamnyń denesi polıtsııa qyzmetkerlerine tapsyryldy.
Departament oblysta negizinen er adamdardyń sýǵa batqanyn atap ótti, sýǵa batqan 22 adamnyń 20-sy – er adamdar. Oǵan negizinen ruqsat etilmegen jerde shomylý, óz shamasyn bilmeý sebep bolǵan.
