Shyǵys Qazaqstanda 29 konstrýktor kólik zańdastyryldy

ÓSKEMEN. QazAqparat – Shyǵys Qazaqstan oblysynda 29 konstrýktor kólik zańdastyryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 22 mamyrda Qazaqstanda konstrýktor avtokólikterdi zańdastyrý bastalǵan bolatyn. Úsh kún ishinde óńir boıynsha 226 avtokólik ıesi konstrýktor kólikti zańdastyrýǵa ótinim berdi. Onyń ishinde 29 adam óz kóligin sátti zańdastyrdy.

Osyndaı úlgidegi avtokólikti alǵashqylardyń biri bolyp zańdastyrǵan Samar aýdanynyń turǵyny Rafhat Haırýllın.

«Barlyq qajetti qujattardy jınap, zańdastyrýǵa ótinish berdim. Kóp uzamaı ótinishim maquldandy. Keıin meni krımınalıstiń barlyq tıisti protsedýrasynan ótý úshin mamandandyrylǵan HQKO-ǵa jiberdi. Ekinshi kezeńnen ótkennen keıin kútý zalynda 10 mınýt boldym. Sodan keıin maǵan zańdastyrylǵan kóligimniń nómirleri men tehnıkalyq pasport berildi», - deıdi ol.

Jalpy búginde Shyǵys Qazaqstanda sheteldik nómirleri bar 3 myńǵa jýyq avtokólik zańdastyrylǵan. Zańdastyrý 2023 jyldyń 1 shildesine deıin jalǵasady.