Shyǵys Qazaqstanda 27 kardıolog dáriger jetispeıdi
«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, óńir boıynsha ásirese aýyldarda medıtsına qyzmetkerleri tapshy.
Búginde tańda oblysta 27 kardıolog-dáriger jetispeıdi. Balalar dárigerleri, onyń ishinde nevropatolog, oftalmologtar qajet.
Maman tapshylyǵy saldarynan turǵyndar dárigerlerge bir aı buryn jazylýǵa májbúr.
«Dárigerler bir kúnde keminde 50 adamǵa deıin qaraıdy. Olardyń árqaısysyn tyńdap, densaýlyǵyn tekserip, em taǵaıyndaıdy. Bul árıne ońaı emes. Sondyqtan jastardy osy salaǵa tartý úshin memleket medıtsına qyzmetkerleriniń jalaqysyn kóterýde. 2025 jylǵa qaraı dárigerdiń ortasha jalaqysy 550 myń bolady», - deıdi fılıal basshysy Ǵalymjan Ábilov.
Esterińizge sala ketsek, osyǵan deıin Shyǵys Qazaqstanda bıyl 100 dáriger shetelde biliktiligin arttyratynyn habarlaǵan edik.