Shyǵys Qazaqstanda 210 gektar aýmaqty alǵan dala órti jergilikti halyqtyń kúshimen sóndirildi
ÓSKEMEN. Qazannyń 5-i.QazAqparat /Lıýdmıla Malko/ - Semeı qalasynan úsh júz shaqyrym jerde ornalasqan,
Aqdala eldi mekeniniń janyndaǵy Qaraóleń aýyldyq okrýginde ótken táýlikte iri dala órti aýyzdyqtaldy. 210 gektar aýmaqty sharpyǵan jalyn jergilikti atqarýshy bılik pen aýyl adamdarynyń kúshiniń arqasynda sóndirildi.
Tótenshe jaǵdaılar departamenti habarlaǵandaı, oblystyq órt sóndirý jáne qutqarý quraldary oqıǵa ornyna shaqyrylmaǵan, jergilikti halyq órtti óz kúshterimen toqtatqan. Órttiń bastalýyna abaısyzdyq sebep bolýy múmkin degen boljam bar.
TJD tolyqtyryp ótkendeı, ótken kúnder ishinde ShQO tótenshe jaǵdaılar departamentiniń qutqarý bólimsheleri 8 órtti sóndirgen. Aımaqtaǵy órt qaýpi azaıyp keledi, óńirdegi aýa temperatýrasy 2 gradýsqa deıin tómendep, kópten kútken jańbyr da jaýǵan.
