Shyǵys Qazaqstanda 2025 jylǵa deıin 33 mektep salynady

ÓSKEMEN. QazAqparat – Shyǵys Qazaqstan oblysynda 2025 jylǵa deıin 33 mektep salynady, dep habarlaıdy QazAqparat tilshisi.

ShQO Aqparat ortalyǵynyń málimetinshe, óńirde mekteptegi oryn tapshylyǵy máselesin sheshý úshin bilim ordalary qurylysynyń qarqyny artpaq. Jospar boıynsha 2025 jylǵa deıin 33 jańa mektep boı kóteredi.

«Sondaı-aq mektepterdi joǵary jyldamdyqty ınternetpen qamtamasyz etý jumystary júrgizilip jatyr. Bul máseleniń mańyzy ásirese pandemııadaǵy onlaın oqytý formaty kezinde aıqyn kórindi. Osy rette, shalǵaı eldi mekenderge ǵalamtor tartýǵa basymdyq berilgen», - delingen habarlamada.

Josparǵa sáıkes jalpy sany 600 myń turǵyny bar 1 myńnan astam aýylda ınternet sapasy jaqsarmaq.