Shyǵys Qazaqstanda 2024 jyl Jol jyly dep jarııalanady
ShQO ákimi Ermek Kósherbaev ulttyq jobalardyń oryndalýy boıynsha oblystyq basqarmalardyń basshylarymen jınalys ótkizdi.
«Eń aldymen mańyzdy máselelerdiń sheshilýine mán berý kerek. Atap aıtqanda, halyqttyń sapaly aýyzsýmen qamtamasyz etilýi, «Birqabatty Shyǵys» baǵdarlamasy boıynsha salynatyn úılerdiń sapaly bolýyn jáne qurylys jumystaryn der kezinde bastaý úshin tenderlik rásimderdiń ýaqtyly ótkizilýin baqylaý qajet. Búgingi tańda «Dıplommen aýylǵa» baǵdarlamasyna mazmundy taldaý júrgizý mańyzdy. Óıtkeni keıbir aýdandardaǵy jas mamandar jeńildetilgen nesıe merzimin kútip, keıin turǵyn úılerin satyp jiberedi nemese ózge eldi mekenge qonys aýdarady», - deıdi ákim.
Onyń aıtýynsha, jas mamandardyń qyzyǵýshylyǵyn arttyrý úshin sátti júzege asqan basqa baǵdarlamalardyń tájirıbesin zerdeleý qajet.
«Jalpy «Jaıly mektep» jáne «Aýyldyq densaýlyq saqtaýdy jańǵyrtý» pılottyq jobalaryn qosa alǵanda, óńir boıynsha barlyǵy 12 ulttyq joba qolǵa alynǵan. Olardy oryndaý jumystary belgilengen kestege sáıkes júrgizilýde. 2024 jyl óńirde «Jol jyly» bolady. Sol úshin qazir barlyq problemalyq ýchaskelerge taldaý júrgizý kerek», - deıdi Ermek Kósherbaev.