Shyǵys Qazaqstanda 2000 memlekettik mekeme kúrdeli tekserýden ótedi
ÓSKEMEN. QazAqparat - ShQO-da 2000 mekemege kúrdeli tekseris júrgiziledi, dep habarlaıdy QazAqparat Altaynews.kz agenttigine silteme jasap.
Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttiginiń ShQO boıynsha departamenti basshysy Janna Qabdoldaqyzy habarlady.
Departament basshysy aımaqta memlekettik organ ǵımarattarynyń normatıvterge sáıkestigin anyqtaý úshin arnaıy tekseris júrgiziletinin aıtty.
«Sondaı-aq Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda atap ótken formalızm men bıýrokratııany tómendetý, túrli otyrystardyń uzaqtyǵyn qysqartý boıynsha sharalar qabyldanady», - dedi Janna Qabdoldaqyzy.
Ol condaı-aq 2020 jyldyń sońyna deıin memlekettiń qyzmettiń 90 paıyzy avtomattandyrylatynyn atap ótti. Spıkerdiń pikirinshe, osy jáne basqa da sharalar turmystyq jemqorlyqty tómendetýge múmkindik beredi. Bul aýqymdy iske búkil qoǵam atsalysýy tıis.
