Shyǵys Qazaqstanda 200-ge jýyq aýyldyń bas jospary joq

ÓSKEMEN. QazAqparat – Shyǵys Qazaqstan oblysyndaǵy 200-ge jýyq aýyldyń bas jospary joq, dep habarlaıdy QazAqparat tilshisi.

ShQO jer qatynastary basqarmasynyń málimetine súıensek, búginde óńir boıynsha 363 eldi meken bar.

Sonyń 171-iniń bas jospary, damý jáne qurylys shemalary ázirlengen bolsa, 192 aýylda bul mańyzdy qujat áli kúnge deıin joq.

Sonyń saldarynan bul aýyldarda jer qatynastary, sáýlet jáne qurylys salasynda memlekettik qyzmetter kórsetýde qıyndyq týyp otyr.

«2022 jylǵy 24 aqpanda oblys ákimdiginiń qaýlysymen eldi mekenderdiń bas josparlaryn, damý jáne qurylys syzbalaryn ázirleý jáne túzetý jónindegi jol kartasy qabyldandy. Soǵan sáıkes, 2025 jylǵa deıin 163 perspektıvti jáne mańyzdy eldi mekenniń bas josparyn ázirleý josparlanǵan», - deıdi basqarma basshysy Nadejda Mıheılıs.

Bekitilgen jol kartasy boıynsha bıyl 46 aýyldyń bas josparyn ázirleý mindeti tur.

Qazirgi ýaqytta Óskemen jáne Zaısan qalalarynyń jańartylǵan bas jospary daıyn, al Rıdder, Altaı, Serebrıansk, Shemonaıha qalalary boıynsha túzetýler engizilýi qajet.