Shyǵys Qazaqstanda 200-den astam avtobýs júrgizýshisi jazalandy
ÓSKEMEN. QazAqparat – Shyǵys Qazaqstan oblysynda 21-23 qazan aralyǵynda «Avtobýs» jedel aldyn alý sharasy júrgizilýde, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, sharanyń maqsaty - qoǵamdyq kóliktegi quqyq buzý derekterin anyqtaý, avtobýs júrgizýshileriniń kinásinen bolatyn jol-kólik oqıǵalarynyń aldyn alý.
Bir kún ishinde polıtsııa qyzmetkerleri jol erejesin buzǵan 247 júrgizýshini anyqtady.
«Reıske shyqqan avtobýstardyń 12-si mindetti tehnıkalyq baqylaýdan ótpegen. Al 17 avtobýstan shyǵatyn zııandy tútin bekitilgen normadan asyp ketken. Sonymen qatar manevr jasaý erejelerin buzǵany úshin 43 júrgizýshi ákimshilik jaýapkershilikke tartyldy. 40-qa jýyq júrgizýshi kólik júrgizý kezinde telefon paıdalanǵany úshin jazalandy», - dedi ShQO PD jergilikti polıtsııa qyzmetiniń bastyǵy Talǵat Nurıev.
Budan bólek, 330-dan astam avtobýstyń elektr jabdyqtarynyń jaı-kúıi tekserildi.
Qoǵamdyq kólikti tehnıkalyq aqaýy bolǵanyna qaramastan reıske shyǵarǵan bes avtobýs parkiniń basshysy jaýapqa tartylǵan.
