Shyǵys Qazaqstanda 2 jasar bala aryqqa batyp ketti
ZAISAN. QazAqparat – Shyǵys Qazaqstan oblysy Zaısan qalasynda 2 jasar bala aryqqa batyp ketti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, bıylǵy jazda eresekterdiń qaraýynsyz qalǵan balalar men jasóspirimder jazataıym oqıǵalarǵa jıi ushyraǵan. Jyl basynan beri órtten 10 bala qutqarylyp, 7 bala terezeden qulady. Shomylý maýsymy kezinde 9 bala sýǵa batqan.
«Keshe Zaısan qalasynda eresekterdiń qaraýynsyz qalǵan 2 jasar bala aryqqa batyp ketti», - dep habarlady vedomstvo ókilderi.
Balalardyń jaraqattanýyna jáne kóz jumýyna ákelip soǵatyn qaıǵyly oqıǵalar kóbinese – kúıip qalý, bıikten qulaý, sýǵa batý, ýlaný. Taldaý nátıjeleri kórsetkendeı, jazataıym oqıǵalardyń negizgi sebepteri – ata-ananyń balalardy durys qadaǵalamaýy, kúndelikti ómirde, kóshede, oıyn oınap júrgen kezde jáne sportpen shuǵyldanǵanda balalardyń saqtyqty umytyp ketýi.
«Qurmetti ata-analar! Kez kelgen jaǵdaıda qaýipsizdik erejelerin umytpaý balanyń ómiri men densaýlyǵynyń kepili ekendigin umytpańyzdar. Kúndelikti ómirde qaýipsizdikti saqtaýdy úıretýde ata-analarǵa úlken mindet júktelgen», - deıdi qutqarýshylar ata-analarǵa.
