Shyǵys Qazaqstanda 2 gektarǵa jaıylǵan orman órti aýyzdyqtaldy
ÓSKEMEN. QazAqparat – Shyǵys Qazaqstan oblysynda 2 gektarǵa jaıylǵan orman órti sóndirildi, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 8 tamyzda «Óskemen orman sharýashylyǵy» KMM-ge qarasty Serebrıansk ormanshylyǵy aýmaǵynda órt shyqqan.
Jalyn ormandaǵy aǵashtardy sharpydy.
«Oqıǵa ornyna jedel kelgen órt sóndirýshiler men ormanshylar tilsiz jaýmen kúresti. Órttiń jalpy aýmaǵy 2 gektardy quraǵan. Kóp uzamaı ot tolyqtaı óshirildi», - dep habarlady vedomstvo ókilderi.
Aıta keteıik, órtti sóndirýge jeke quramnan 20 adam men 4 tehnıka, «Óskemen orman sharýashylyǵy» KMM 9 qyzmetkeri men 2 tehnıkasy, MI-2 tikushaǵy, jergilikti atqarýshy organ ókilderi jáne 2 desantshy jumyldyryldy.
Qazirgi ýaqytta ottyń shyǵý sebebi anyqtalyp jatyr.
