Shyǵys Qazaqstanda 2 602 ga jer órtenip ketken, dala alqaby órtenýiniń joǵary deńgeıi tirkeldi
ÓSKEMEN. Mamyrdyń 12-i. QazAqparat /Lıýdmıla Malko/ - Statıstıka málimetterine súıensek, Shyǵys Qazaqstan oblysynda dalalyq alqap órtenýiniń 13 oqıǵasy tirkelgen. 2 602 ga túgeldeı órtenip, joıylǵan. Órttiń negizi aýmaǵy Besqaraǵaı aýdanyna qarasty, dep habarlaıdy ShQO ІІD baspasóz qyzmeti.
Departamenttiń aqparaty boıynsha, sońǵy eki apta ishinde órt sóndirýge shyǵý barlyq qalyptan asyp ketken. Bir táýlikte órt sóndirýshiler 30-dan astam ret shaqyrtýlarǵa shyǵady. Úsh demalys kúnderi boıy oblysta 47 iri órt bolǵan.
Sonymen qatar, búgingi tańda qurǵaq shóptiń órtenýi boıynsha 512, al qoqystardyń órtenýi boıynsha 253 shaǵyn órt oqıǵalary tirkelgen.
Rıdder qalasy Ostrovskıı kóshesindegi bos jerde 200 sharshy metr aýmaqta qurǵaq shóp órtenip ketken. Órt sóndirý barysynda órt ishinen eki adam tabylǵan. Onyń bireýi qutqarýshylar kelgenshe kóz jumǵan. Denesiniń 60 paıyzyn kúıik shalǵan ekinshi adam ekinshi-úshinshi dárejeli jaraqatpen qalalyq aýrýhanaǵa jetkizilgen.
Órt sóndirýge qarsy qyzmettiń ınspektorlary nyq sheshim qabyldaǵan. Ereje buzǵandardy qatań jazalar kútýdi. Ustalǵandar ákimshilik jaýapkershilikke tartylady. Jeke adamdarǵa 3 aılyq eseptik kórsetkishpen aıyppul salynatyn bolady.
