Shyǵys Qazaqstanda 19 jastaǵy boıjetken joǵalyp ketti
ÓSKEMEN. QazAqparat – Shyǵys Qazaqstan oblysy Besqaraǵaı aýdanynda 19 jastaǵy boıjetken iz-túzsiz joǵalyp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, keshe «102» jedel arnasyna qońyraý shalǵan Dolon aýylynyń turǵyny qyzynyń joǵalǵanyn jetkizdi. 19 jastaǵy Natalıa Pashkeeva 3 qyrkúıekte úıden belgisiz baǵytta shyǵyp ketip, sol kúıi qaıtyp oralmaǵan.
«Qazirgi ýaqytta polıtsııa qyzmetkerleri jedel-izdestirý sharalaryn júrgizýde. Qyzdy izdeýge volonterler de tartylǵan. Natalıa Pashkeevanyń boıy 170 santımetr, dene bitimi ortasha, shashy aqshyl sary. Joǵalǵan kúni ústinde sur jempir, kók djınsy jáne aq krossovka bolǵan», - dep habarlady vedomstvo ókilderi.
Tártip saqshylary boıjetkenniń qaıda ekendigin biletinder bolsa «102» nemese 8-747-349-57-17 nómirine habarlasýyn suraıdy.
