Shyǵys Qazaqstanda 1737 júkti áıel revaktsınatsııadan ótti

NUR-SULTAN. QazAqparat – Shyǵys Qazaqstan oblysynda 1737 júkti áıel revaktsınatsııadan ótti, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyna qarsy revaktsınatsııalaý naýqany jalǵasýda.

«Búgingi tańda aımaq boıynsha 438 609 adam revaktsınatsııadan ótti. Onyń ishinde 12-18 jas aralyǵyndaǵy 528 bala bar. Sondaı-aq 1737 júkti jáne 945 bala emizetin áıel úshinshi ret vaktsına alǵan», - delingen aqparatta.

Budan bólek, oblysta 60 jastan asqan qarttar men medıtsına qyzmetkerleri Pfizer ekpesimen revaktsınatsııalanýda. Qazir osy sanattaǵy 18 myńǵa jýyq adam revaktsınatsııadan ótken.