Shyǵys Qazaqstanda 17 sanıtarlyq beket jumys istep tur
ÓSKEMEN. QazAqparat – Shyǵys Qazaqstan oblysynda shekteý sharalary 25 qarashaǵa deıin uzartyldy.
Bul týraly arnaıy baspasóz máslıhaty barysynda ShQO Taýarlar men qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaev sanıtarlyq beketterdiń jumysy týraly aıtyp berdi, dep habarlaıdy QazAqparat tilshisi.
Onyń sózine qaraǵanda, 1 qarashadan bastap óńirge syrttan keletinderdi baqylaý úshin 15 sanıtarlyq beket jumys istep jatyr. Úsh beket Almaty, bireýi Qaraǵandy jáne ekeýi Pavlodar oblystarymen shektesetin aýmaqtarda ornalasqan. Sondaı-aq, 2 beket QR Memlekettik shekarasy arqyly ótetin «Aýyl» jáne «Ýba» ótkizý beketterinde jáne 7 beket Óskemen qalasy boıynsha ornatylǵan.
10 qarashadan bastap «Baqty» jáne «Maıqapshaǵaı» ótkizý beketterindegi taǵy eki sanıtarlyq beket óz jumysyn bastady.
Aıta keteıik, oblysishilik avtobýstardyń, shaǵyn avtobýstardyń jáne ózge de jolaýshylar tasymalynyń qozǵalysyna tyıym salyndy.
Ulan aýdanynyń Qasym Qaısenov, Glýbokoe aýdanynyń Opytnoe pole, Ýshanovskoe jáne Beloýsovka kentteri boıynsha qatynaıtyn marshrýttar toqtatylǵan joq.
