Shyǵys Qazaqstanda 167 mektepke kúrdeli jóndeý kerek
Óńir boıynsha barlyǵy 350 mektep bar. Búginde onyń ishindegi aǵymdaǵy jóndeý jumystary aıaqtalǵan 204 mektep jańa oqý jylyna daıyn tur.
Qalǵan bilim ordalarynda jóndeý jumystary jalǵasyp jatyr.
Bul týraly ShQO bilim salasynda sapany qamtamasyz etý departamentiniń basshysy Zeınep Mahsutova málim etti.
«Al kúrdeli jóndeýdi oblystaǵy 167 mektep qajet etedi. Alaıda olardyń tek 73-i ǵana jóndeýden ótýde. Qalǵan mektepter úshin áli qarajat qarastyrylmaǵan. Balalardyń káýipsizdigin qamtamasyz etý máselesi de basty nazarda. 153 mektepke týrnıketter qoıylǵan. Shaǵyn jáne arnaýly mektepterde oqýshylar sanyna sáıkes normatıvtik qujattarǵa sáıkes týrnıket ornatý talap etilmeıdi», - deıdi ol.
Keıbir oqý oryndary balalar tolyqqandy bilim alýy úshin qajetti qural-jabdyqtarmen qamtamasyz etilmegen.
Máselen, 49 mektepte sport zaly, 36 mektepte ashana, 179 mektepte fızıka, 167 mektepte hımııa, 181 mektepte bıologııa pánderi kabınetteri joq.
«Bilim ordalaryndaǵy ǵalamtor jyldamdyǵy ár túrli. 23 mektepte álsiz (sekýndyna 4 Mbıtten tómen), 186 mektepte ortasha (sekýndyna 4-10 Mbıt), 141 mektepte ortashadan joǵary (sekýndyna 10-20 Mbıt) jyldamdyq», - deıdi Z.Mahsutova.
