Shyǵys Qazaqstanda 15 qutqarýshy jer úıdegi órtti sóndirdi
ÓSKEMEN. QazAqparat – Shyǵys Qazaqstan oblysy Glýbokoe aýdanynda jer úıdegi órt aýyzdyqtaldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, búgin Opytnoe pole aýylyndaǵy jeke turǵyn úıde órt shyqqan.
4 otbasyna arnalǵan úıde jıhaz ben edendi jalyn sharpydy.
Órt sóndirýshiler shuǵyl kelip jetip, 3 sharshy metrge jaıylǵan tilsiz jaýdy aýyzdyqtap, onyń kórshi úılerge taralýyna jol bermedi.
«Qutqarýshylar kelgenge deıin 17 jastaǵy jigit birinshi qabattyń terezesin syndyryp, dalaǵa shyqqan. Synǵan áınekten jaraqat alǵan ony jedel járdem dárigerleri medıtsınalyq mekemege jetkizdi. Órtti sóndirýge jeke quramnan 15 adam men 3 tehnıka jumyldyrylǵan», - dep habarlady vedomstvo ókilderi.
Aldyn ala málimet boıynsha órt elektr symynan shyqqan.
