Shyǵys Qazaqstanda 140 mln teńgeniń sýbsıdııasyn zańsyz alǵan sharýa ustaldy

ÓSKEMEN. QazAqparat - Shyǵys Qazaqstan oblysy 140 mıllıon teńgege memlekettik sýbsıdııalardy zańsyz alý deregi anyqtaldy, dep habarlaıdy QazAqparat.

Memleket eldiń azyq-túlik qaýipsizdigin qamtamasyz etý, mal sharýashylyǵynyń ónimdiligin arttyrý maqsatynda kásipkerlerge bıýdjetten qarjylyq qoldaý alýǵa múmkindik beredi.

Sonymen qatar, belgilengen erejelerdi buza otyryp, sýbsıdııa alý derekteri bolyp jatyr.

Osylaısha, Qarjylyq monıtorıng agenttiginiń Shyǵys Qazaqstan oblysy boıynsha aýmaqtyq departamenti birqatar úlestes kásiporyn basshylaryna qatysty sýbsıdııany zańsyz alý deregi boıynsha sotqa deıingi tergep-tekserýdi bastady.

JShS basshylarynyń biri 2019-2020 jyldar aralyǵynda «Asyl tuqymdy mal sharýashylyǵyn damytý, mal sharýashylyǵynyń ónimdiligin jáne ónim sapasyn arttyrý» memlekettik baǵdarlamasy aıasynda sýbsıdııa alýǵa ótinim bergen kezde jalpy somasy 140 mıllıon teńgeden astam sýbsıdııany zańsyz alǵan.

Qylmystyq shemany uıymdastyrýshy úlestes kásiporyndarmen 1000-nan astam asyl tuqymdy iri qara mal satyp alý týraly jalǵan sharttar usynǵan.

Uıymdastyrýshy qamaýǵa alyndy.

Tergeý júrip jatyr, basqa aqparat jarııa etilmeıdi.