Shyǵys Qazaqstanda 13 jasar qyz sýǵa ketti
ÓSKEMEN. QazAqparat – Shyǵys Qazaqstan oblysy Glýbokoe aýdanynda 13 jastaǵy qyz sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, Glýbokoe aýylyndaǵy qazanshuńqyrda balalar eresekterdiń qaraýynsyz sýǵa túsken. 2007-2008 jylǵy Zamanbek, Eraly jáne Ánýar esimdi balalar sol mańaıda eki qyzdyń sýǵa batyp bara jatqanyn kórip qalady.
Olar birden qutqarýshylarǵa, polıtsııa men jedel járdemge qońyraý shalyp, ózderi kómekke umtylǵan.
«Úsheýi 12 jastaǵy qyzdy qutqaryp alǵan soń ekinshisin izdeýge kóshedi. Sýǵa súńgigen balalar ony taýyp alyp, jaǵaǵa alyp shyqqan. Es-tússiz jatqan qyzdy dárigerler lezde aýrýhanaǵa jetkizdi. Alaıda 2007 jylǵy balanyń ómirin qutqaryp qalý múmkin bolmady», - dep habarlady vedomstvo ókilderi.
TJD dereginshe, ótken jyly sýǵa túsý maýsymynda ShQO-da 5 bala sýǵa ketken. Al bıylǵy maýsym bastalǵaly beri osyndaı 2 qaıǵyly jaǵdaı tirkelip otyr.
