Shyǵys Qazaqstanda 108 eldi mekendi sý basý qaýpi bar

ÓSKEMEN. QazAqparat – Shyǵys Qazaqstan oblysynda 108 eldi mekendi sý basý qaýpi bar, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńirde sý tasqyny kezeńine daıyndyq júrgizý boıynsha qurylǵan komıssııa jumys isteýde.

Onyń quramyna qutqarýshylar, jergilikti atqarýshy jáne múddeli organdardyń ókilderi kirip otyr. Búginde oblystaǵy barlyq sý tasqyny qaýpi bar aýmaqtar tekserilýde.

«Sý basýyn boldyrmaý úshin jaǵalaýdy bekitý jáne túbin tereńdetý, bógetterdi jóndeý, arnany retteý jáne basqa da aldyn alý sharalary júrgizilip jatyr. Komıssııa músheleri azamattardy ýaqytsha ornalastyrý pýnktterin, tehnıkanyń jaı-kúıi men ınertti materıaldar qoryn muqııat tekserýde», - delingen aqparatta.

Shyǵys Qazaqstandaǵy qar jamylǵysynyń bıiktigi 7-den 95 sm-ge deıingi aralyqta.

Qazirgi ýaqytta aımaqta gıdrologııalyq jaǵdaı turaqty, sý deńgeıi tómen.

«Jalpy oblys boıynsha 108 eldi mekendi sý basý qaýpi bar. Sý tasqynyn boldyrmaý úshin 7 aýdandaǵy ózenderde profılaktıkalyq jarylys jumystary júrgiziletin ýchaskeler anyqtaldy», - delingen habarlamada.