Shyǵys Qazaqstanda 10 gektarǵa jaıylǵan dala órti sóndirildi
ÓSKEMEN. QazAqparat – Shyǵys Qazaqstan oblysy Ulan aýdanynda 10 gektarǵa jaıylǵan dala órti sóndirildi, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, órt búgin Óskemen-Almaty tasjolynyń boıyndaǵy Ulan aýdany Qasym Qaısenov kentiniń mańynan shyqqan.
«Oqıǵa ornyna órt sóndirýshiler shuǵyl kelip jetti. Tilsiz jaý shóp pen qamysty sharpyǵan. Kóp uzamaı jalpy aýdany 10 gektardy quraǵan jalyn tolyqtaı aýyzdyqtaldy», - dep habarlady vedomstvo ókilderi.
Otpen kúreske barlyǵy 12 adam men 5 tehnıka jumyldyrylǵan. Órttiń naqty neden shyqqany anyqtalyp jatyr.
Eske salsaq, osyǵan deıin Shyǵys Qazaqstanda jyl basynan beri 800 tonnadan astam pishen janyp ketkenin habarlaǵan edik.
Vıdeodan alyn ǵ an kadr
