Shyǵys Qazaqstanda 1 myńnan astam oqýshy koronavırýs juqtyrǵan
ÓSKEMEN. QazAqparat - Shyǵys Qazaqstan oblysynda 2020 jylǵy 1 qyrkúıek pen 2021 jylǵy 18 qańtar aralyǵynda 1037 oqýshy koronavırýs ınfektsııasyn juqtyrǵan, dep habarlaıdy QazAqparat.
Koronavırýsqa qarsy vedomstvoaralyq komıssııanyń málimetine sensek, onyń ishinde 217 oqýshy - kezekshi synypta oqıtyndar, qalǵan 820-sy - qashyqtan bilim alyp jatqandar.
18 qańtardaǵy aqparatqa sáıkes, 1 037 oqýshynyń 970-i qaýipti vırýstan jazylyp, qazirgi tańda oqýyn qaıta jalǵastyrýda.
Mektep qabyrǵasynda COVID-19 vırýsyn juqtyrǵan oqýshy anyqtalǵan jaǵdaıda, sanıtarııalyq-epıdemıologııalyq talaptarǵa sáıkes, mektepterdegi koronavırýs ınfektsııasynyń oshaǵy sanalatyn synyptarǵa qashyqtan oqytýǵa aýystyrý týraly qaýly shyǵaryldy.
Qaýipti vırýs anyqtalǵan barlyq mektepterde epıdemııaǵa qarsy sanıtarııalyq-dezınfektsııalyq is-sharalar júrgizildi.
ShQO bas memlekettik sanıtar dárigeriniń 2021 jylǵy 3 qańtardaǵy qaýlysyna sáıkes, 2020-2021 oqý jylynyń úshinshi toqsanynan bastap kontıngenti 300 oqýshyǵa deıin qalalyq jáne aýyldyq mektepterde synyptardaǵy bala sany 15 adamǵa deıin dástúrli formatta oqýǵa ruqsat berildi.
Synyptaǵy bala sanyn 15-ten asyrmaı, ata-analardyń ótinishi boıynsha jalpy bilim beretin mektepterde 1-5 synypqa deıin kezekshi synyptardyń oqýyna ruqsat etilgen.
Oqý bitiretin synyptar (9, 11 (12) synyptar) aptanyń 6 kúni ishinde aralas oqý qoldanylady: pánniń 70% - shtattyq rejımde, 30% - qashyqtan oqý formatynda júzege asyrylady.
Bilim mekemesi ákimshiliginiń sheshimimen sabaqtan tys ýaqytta 5 adamnan aspaıtyn toptarda oqýshylardy jeke oqytýǵa ruqsat berilgen.
