Shyǵys Qazaqstanda 1 339 adam ózin bankrot dep tanýǵa ótinish berdi

ÓSKEMEN. QazAqparat – Shyǵys Qazaqstan oblysynda 1,3 myńnan astam adam ózin bankrot dep tanýǵa ótinish berdi, dep habarlaıdy QazAqparat tilshisi.

ShQO boıynsha memlekettik kirister departamentiniń málimetine súıensek, azamattardan bankrottyqqa ótinish qabyldaý osy jyldyń 3 naýryzynda bastalǵan.

Sol ýaqyttan beri oblys boıynsha 1 339 ótinish tústi.

«Jeke tulǵalardyń bankrottyǵyn júzege asyrýdyń naqty merzimi joq. Osy ýaqytqa deıin barlyǵy 173 azamatqa qatysty sottan tys bankrottyq rásimi bastaldy. Kórsetilgen boryshkerler boıynsha málimet elektrondy úkimet veb-portalynda jarııalanǵan», - deıdi departament basshysy Saıat Bımaǵambetov.

Sondaı-aq elimizde 22 mamyrda konstrýktor avtokólikterdi zańdastyrý bastalǵan bolatyn.

Búgingi tańda ShQO boıynsha osyndaı 2 522 kólik zańdastyrylǵan.

Zańdastyrý 2023 jyldyń 1 shildesine deıin jalǵasady.