Shyǵys Qazaqstan túrmelerinde 10 túrli ult ókili qyzmet atqarady

ÓSKEMEN. QazAqparat – Shyǵys Qazaqstan oblysyndaǵy túrmelerde 10 túrli ult ókili qyzmet atqarady, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetinshe, 1 mamyr – Qazaqstan halyqtarynyń birligi kúni merekesine oraı etnostar festıvali ótken.

Departament qyzmetkerleri túrli ulttardyń kıimderin kıip, 7 kıiz úıde bas qosty.

Búgingi tańda oblystyq qylmystyq atqarý júıesinde 10 túrli ult ókili qyzmet atqarady. Olardyń ishinde ózbek, ázirbaıjan, ýkraın, koreı, tatar, grýzın jáne belorýs bar.

«Shara barysynda Qazaqstan aýmaǵynda turatyn túrli etnostardyń salt-dástúri, mádenıeti tanystyryldy. Ujymymyz kıiz úılerdi ózderi jasady. Biz kóp ýaqyttan beri ár ulttyń merekelerin birge toılap kelemiz. Bul áriptesterimizdi biriktirip, dostastyra túsedi», - deıdi №16 túzetý mekemesi bastyǵynyń orynbasary Baqytjan Nııazbekov.

Etnostar festıvalinde QAJ qyzmetkerleri san alýan ulttyq taǵamdardy daıyndap, sahnada án aıtyp, bı bıledi.

Olar festıvalge bir aıǵa jýyq daıyndalǵan.