Shyǵys Qazaqstan turǵyndaryna taýly jerlerge barmaý týraly eskertildi
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharalary «Óskemen-Qatonqaraǵaı-Rahman qaınarlary» tasjolynda júrgizildi.
«Qutqarýshylar men «Qazseldenqorǵaý» ShQ fılıalynyń mamandary atalǵan tasjol boıynda jasandy jolmen jalpy kólemi 4500 tekshe metr qar túsirdi. Búginde kún saıyn kóshkin júrý qaýpi bar jerlerge monıtorıng júrgizilýde. Azamattarǵa daýyldy eskertýlerge nazar aýdaryp, kóshkin júrýi múmkin taýly jerlerge barmaý qajettigin eskertemiz», - delingen aqparatta.
Aıta keteıik, qys bastalǵaly beri oblysta 81 ret profılaktıkalyq kóshkin túsirý jumystary júrgizilgen. Sonyń nátıjesinde, 80 620 tekshe metr qar túsirildi.
