Shyǵys Qazaqstan taýlarynda jasandy jolmen qar kóshkini túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharalary «Óskemen-Samar» tasjolynyń 92-101 shaqyrymynda júrgizildi.

«Qutqarýshylar men «Qazseldenqorǵaý» mekemesiniń mamandary 4 jarylys jasady. Jalpy 790 tekshe metr qar túsirilgen. Alaıda óńir boıynsha qar kóshkini qaýpi áli de saqtalyp otyr. Halyqqa taýǵa barǵan kezde qaýipsizdik erejelerin qatań saqtaý kerektigin eskertemiz», - dep habarlady vedomstvo ókilderi.

Aıta keteıik, Shyǵys Qazaqstandaǵy 497 jol ýchaskesinde qar kóshkini júrýi múmkin.

Ásirese Óskemen-Samar, Óskemen-Altaı, Sogornoe-Barlyq, Berel-Rahman qaınarlary, Zýbovka-Pýtıntsevo jáne Lenınogorsk-Chekmar kenishi tasjoldarynyń boıyndaǵy ýchaskeler asa qaýipti.