Shyǵys Qazaqstan órt sóndirýshileri úıdi jarylystan saqtap qaldy
ASTANA. QazAqparat - Jarma aýdany Qalbataý aýylynda jeke turǵyn úıde órt shyqty, dep habarlady ShQO TJD baspasóz qyzmetinen.
«Kirgen bette úıdiń tútindegenin baıqadym da, dereý qujattarymdy jıystyra bastadym», - dedi úı ıesi. Ol úıge aýa kirsin dep esikti ashqan. Jolda ketip bara jatqan áıel laýlap jatqan órtti kórip, órt sóndirý qyzmetine habarlasty.
Kelgen qyzmetkerler ómirlerin qaterge tigip, úıden syrtqa gaz ballonyn alyp shyqty. Úıdiń aǵash konstrýktsııalary, esik, tóbeleri jandy. Úı eki páterlik. Órt sóndirýshilerdiń saýatty is-qımyly nátıjesinde úıdiń ekinshi jartysyn órtten saqtap qaldy. Nusqa retinde symnyń qysqa tuıyqtalýy qaralýda. Jalyn sharpyǵan aýmaq seksen sharshy metr. Zardap shekkender joq.
Jalyndy jeke quramnan on adam eki birlik tehnıkamen aýyzdyqtady.
