Shyǵys Qazaqstan oblysynyń joldarynda úsh kúnniń ishinde 800 avtokólik qar qursaýynda qalyp qoıdy

Bul týraly búgin Úkimet otyrysynda Kólik jáne kommýnıkatsııa mınıstri Ábilǵazy Qusaıynov málim etti, dep habarlaıdy QazAqparat.

ShQO-daǵy jaǵdaıǵa toqtalǵan mınıstr, «sońǵy úsh kúnde 803 avtokólik qar qursaýynda qalyp qoıdy. Onyń ishinde 28 avtobýs bar», dedi.

Á. Qusaıynovtyń sózine qaraǵanda, ShQO-da qar tazalaıtyn 157 arnaıy tehnıka jumyldyrylǵan.

Oblystaǵy respýblıkalyq júıedegi 884 shaqyrym jolda nemese 25 paıyzynda qardyń basýy 1-den 3,5 metrge deıin jetken. «ıAǵnı, kóktem óte qıyn bolmaq», dedi mınıstr.

Onyń aıtýynsha, kóktemgi sý tasqynynan keıin bul joldarda kúrdeli jóndeý jumystaryn júrgizý qajet bolady.