Shyǵys Qazaqstan oblysynyń úzdik aýyl ákimi anyqtaldy
«Rýhanı jańǵyrý» baǵdarlamasy aıasynda «Úzdik aýyl ákimi» respýblıkalyq konkýrsy ótkiziledi. Osyǵan oraı baıqaýda Shyǵys Qazaqstan oblysynyń namysyn qorǵaıtyn ákim anyqtaldy.
«Óńirlik komıssııanyń qorytyndy otyrysynda konkýrsqa qatysýǵa qujat tapsyrǵan úmitkerlermen onlaın formatta kezdesý ótkizildi. Ákimder ózderiniń joba jumystaryn qorǵap shyqty. Konkýrsqa qatysqan ákimderdiń ishinen óńirlik komıssııanyń sheshimi boıynsha Raýshan Musabolınova jeńimpaz dep tanyldy. Altaı aýdany Severnoe aýyldyq okrýginiń ákimi barlyq synnan súrinbeı ótip, ózin tek jaqsy qyrynan kórsetti», - dedi Memlekettik qyzmet isteri agenttigi ShQO boıynsha departamentiniń baspasóz hatshysy Almagúl Asylǵazına.
Endi ol qyrkúıek-qazan aılarynda ótetin respýblıkalyq konkýrsta óńir atynan baq synaıtyn bolady.
