Shyǵys Qazaqstan oblysynyń qutqarýshylary oblys joldaryn qadaǵalaýda
ÓSKEMEN. 7 sáýir. QazAqparat /Lıýdmıla Malko/ - Shyǵys Qazaqstan oblysy Tótenshe jaǵdaılar departamentiniń qutqarý qyzmeti ótken táýlikte qar qursaýynan 9 adamdy qutqardy, olardyń ishinde bir bala bar.
Qazir qutqarýshylar Tarbaǵataı aýdanyndaǵy Omby-Maıqapshaǵaı jolynda qalyp qoıǵan 4 kólikti qardan shyǵaryp alýda. Qalyń qar men joldyń nashar kórinýi oblys joldaryndaǵy kólik qozǵalysyna kedergi keltirip otyr.
Aýa raıynyń qubylýy men qalyń jaýǵan qar sonymen qatar, qar kóshkinine sebep bolýda. Óskemen-Taýly Úlbi-Severnoe tas jolynyń 16 shaqyrymyn taýdan kóshken qar jaýyp qaldy. Qazir jol qardan tazartyldy, aımaq joldary barlyq baǵytta ashyq. «Qazseldenqorǵaý» mamandary qaýipti degen ýchaskelerdi qadaǵalaýda.
