Shyǵys Qazaqstan oblysynyń 110 eldi mekenin sý basý qaýpi bar
ASTANA. QazAqparat - ShQO-nyń taýly aýdandaryndaǵy qardyń mólsheri normadan bir jarym-eki ese asqan. Qardyń shamadan tys kóp bolýy 110 eldi mekende sý tasqyny qaýpin týdyryp otyr, dep habarlaıdy YK-news.kz.
«Ádette, sý tasqyny kezeńinde eń qıyn jaǵdaıǵa Zyrıanovsk jáne Qatonqaraǵaı aýdandary tap bolady, sondaı-aq tabıǵı apat sáýirdiń sońy men mamyr aıynyń bas kezinde oryn alýy yqtımal, - dep habarlady ShQO TJD tótenshe jaǵdaılardy eskertý bóliminiń bastyǵy Alekseı Shtykel. - Sonymen qatar, Ertis ózeniniń ırektelýi saldarynan Besqaraǵaı aýdanynda seń keptelip, sý jıeginen tasyp ketedi. Budan basqa, taýly ózenderdiń kóptigine baılanysty Tarbaǵataı, Úrjar, Zaısan aýdandarynda sý tasqyny qaýpi saqtalady».
Mamannyń aıtýynsha, qazirgi tańda oblystaǵy 110 eldi mekende kóktemgi sý tasqynynyń bolýy yqtımal.
