Shyǵys Qazaqstan oblysynde kúndiz burshaq jaýýy yqtımal - 26 maýsymǵa arnalǵan aýa raıy boljamy
ASTANA. 25 maýsym. QazAqparat - Qazaqstannyń basym aýmaǵynda aýa raıynyń turaqsyzdyǵy saqtalýda, atmosferalyq aǵymdardyń ótýine baılanysty jańbyr jaýyp, naızaǵaı oınap, epkindi jel soǵady dep kútilýde.
Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Aqmola, Shyǵys Qazaqstan, Ońtústik Qazaqstan, Qyzylorda, Jambyl, Soltústik Qazaqstan, kúndiz Aqtóbe oblysynyń jekelegen jerlerinde 15-20 m/s jyldamdyqpen jel soǵady dep kútilýde, Shyǵys Qazaqstan oblysynda kúndiz burshaq jaýýy yqtımal.
Qostanaı oblysynda túnde keı jerlerde tuman bolyp, jeldiń ekpini 15-20 m/s-qa deıin jetedi. Qyzylordada, keı jerlerde Atyraý oblysynda, Aqtóbe, Ońtústik Qazaqstan, Jambyl, Almaty, Qaraǵandy, Aqmola oblystarynda tótenshe joǵary órt qaýpi saqtalady. Aqmola, Pavlodar, Atyraý, Shyǵys Qazaqstan, keı jerlerde Batys Qazaqstan jáne Aqtóbe oblystarynda kún qatty ysıdy.
Aldaǵy táýlikterde respýblıkanyń ońtústik, ońtústik-shyǵys jáne shyǵys taýly ózenderinde sý deńgeıiniń aýytqýshylyǵy baıqalady.
