Shyǵys Qazaqstan oblysyndaǵy «Maqanshy-Baqty» jol ýaskesinde kólik qozǵalysyna shekteý qoıyldy
ASTANA. 14 qańtar. QazAqparat /Rýslan Ǵabbasov/ - Shyǵys Qazaqstan óńirindegi avtojolda kólik qozǵalysyna shekteý qoıyldy.
Bul týraly búgin «Qazaqavtojol» RMK-nyń baspasóz qyzmeti habarlady.
Atap aıtqanda, qatty boran men joldyń kórinýi nasharlaýyna baılanysty búgin saǵat 12:00-den bastap «Qazaqavtojol» RMK-nyń sheshimi boıynsha «Maqanshy-Baqty» avtojolyndaǵy 128-187 shaqyrymdarynda kólikterdiń barlyq túrleri úshin jolǵa shyǵýǵa shekteý qoıyldy.
Aıta keteıik, elimizdiń basqa óńirilerinde respýblıkalyq mańyzy bar avtojoldar qazirgi kezde ashyq. Jalpy 2010 jyldyń jeltoqsanynan beri kóktaıǵaq, boran jáne shyńyltyr aıazdyń saldarynan elimiz avtojoldarynda kólik qozǵalysyna 96 ret shekteý qoıyldy.
