Shyǵys Qazaqstan oblysyndaǵy energııa qýatyn tutyný teńgerimsizdikteri týraly
ASTANA. Qańtardyń 10-y. QazAqparat. Shyǵys Qazaqstan oblysynyń energııamen jabdyqtaý uıymy tarapynan Qazaqstan BEJ-nen elektr energııasyn qabyldaýda eleýli aýytqýlar jiberý áli de jalǵasýda.
Ústimizdegi jyldyń qańtar aıynan bastap «Shyǵysenergotreıd» JShS-nyń tapsyrys bergen qýat kóleminiń jetispeýinen elektr energııasyn kelisimsiz tutynýy 15 mln kVts-tan asty. Jiberilip otyrǵan teńgerimsizdik, ıaǵnı elektr energııasyn óndirý-tutynýdy teńgerimdeý qyzmetin durys paıdalanbaý Qazaqstannyń Ulttyq elektr torabynyń jumys senimdiligin qamtamasyz etýge keri áserin tıgizip otyr, delingen Aktsıonerlik qoǵamnyń baspasóz qyzmeti taratqan málimette.
«KEGOC» AQ júıelik operator retinde jergilikti atqarýshy ókimet oryndaryna aımaqtyq energııamen jabdyqtaýshy uıym men bólshek saýda naryǵy operatory osy is-áreketteri arqyly «Elektr energetıkasy týraly» QR Zańynyń 13 baby men Energetıka jáne mıneraldyq resýrstar mınıstrliginiń 2008 jylǵy 19 naýryzdaǵy №70 buıryǵyn buzyp otyrǵandyǵyn habarlady.
Joǵaryda atalǵan qujattarǵa sáıkes, aımaqtyq elektr jelilik kompanııalar elektr energııasyn óndirý-tutyný men saldo-aǵyndary táýliktik kestesiniń qadaǵalanýyn qamtamasyz etýi tıis, bul rette táýliktik jáne esepti kezeń ishindegi teńgerimsizdikter somasy (saldo) nólge teńesýi qajet.
Ońtústik Qazaqstan oblysy boıynsha ótken jyldyń jeltoqsan aıynda tapsyrys berilgen jáne naqty tutynylǵan elektr energııasynyń aıyrmasy 7,5 mln. kVt.s. (tutynylǵan mólsherdiń 10%) qurady. 2009 jyldyń qarasha aıyndaǵy jaǵdaı boıynsha tutyný mólsheri tapsyrys berilgen mólsherden asyp ketkeni baıqaldy (23 qarashadaǵy jaǵdaı boıynsha artyq paıdalaný 9.5 mln kVt.s. nemese 6 %-dy qurady), sonyń saldarynan tutyný kólemin shekteýdi májúrleý sharasy qoldanyldy. 2009 jylǵy 28 jeltoqsanda bolǵan Shyǵys Qazaqstan oblysynyń arnaıy aýdanaralyq ekonomıkalyq soty júıelik operatordyń is-áreketin zańdy dep tapty.
