Shyǵys Qazaqstan oblysynda joǵalyp ketken bala áli tabylmady
NUR-SULTAN. QazAqparat – Shyǵys Qazaqstan oblysynda joǵalyp ketken 12 jasar Temirlan Ahmedjanov áli tabylmady. Іzdestirý jumystary túni boıy júrgizildi, dep habarlaıdy QazAqparat Іshki ister mınıstrliginiń baspasóz qyzmetine silteme jasap.
«Qazirgi ýaqytta da izdeý jumystary jalǵasyp jatyr. Jedel shtab quryldy. Oǵan nemquraıly emes azamattar qajetti aqparat alý jáne izdestirý is-sharalaryna qatysý úshin júgine alady», - delingen resmı habarlamada.
Eske salsaq, Óskemen qalasynda 12 jasar bala túnde úıden shyǵyp ketken. ShQO Polıtsııa departamenti baspasóz qyzmetiniń málimetine súıensek, «102» jedel arnasyna habarlasqan azamat 14 tamyzda saǵat 2:30 shamasynda úıden belgisiz baǵytta shyǵyp ketken balasynyń tabylmaı jatqanyn aıtty. Temirlan Ahmedjanov aýtızmmen aýyrady. Balanyń ústinde kók jempir, kamýflıajdy shalbar bolǵan. Jasyl tústi aıaq kıim kıgen.
