Shyǵys Qazaqstan oblysynda jabyq joldar ashyldy
ÓSKEMEN. QazAqparat – Shyǵys Qazaqstan oblysynda aýa raıynyń qolaısyzdyǵyna baılanysty jabylǵan joldaǵy shekteýler alynyp tastaldy, dep habarlaıdy QazAqparat.
«Qazaqavtojol» JShS ShQO fılıaly aqparatyna saı, 8 jeltoqsan kúni saǵat 08:00-de respýblıkalyq mańyzy bar «Óskemen-Semeı» tasjolynyń 10-198 shaqyrymynda (Gerasımovka aýyly men Semeı qalasynyń aralyǵy), «Óskemen-Rıdder-RF shekarasy» tasjolynyń 15-105 shaqyrymynda (Beloýsovka aýyly men Rıdder aralyǵy), «Óskemen-Shemonaıha-RF shekarasy» tasjolynyń 15-123 shaqyrymynda (Glýbokoe aýdany men Shemonaıha aýdanynyń arasy) tirkemesi jáne jartylaı tirkemesi bar júk kólikteri, sondaı-aq jolaýshy tasıtyn kólikter qozǵalysyna engizilgen shekteýler alyndy», - delingen ShQO Tótenshe jaǵdaılar departamentiniń Instagram-daǵy habarlamasynda.
Eske sala keteıik, 7 jeltoqsan kúni aýa raıynyń qubylýyna baılanysty Shyǵys Qazaqstan oblysynyń birqatar tasjolynda kólik qozǵalysy shektelgen bolatyn.
