Shyǵys Qazaqstan oblysynda úsik júredi dep kútilýde - 11 mamyrǵa arnalǵan aýa raıy boljamy
ASTANA. 10 mamyr. QazAqparat - 11 mamyr kúni Qazaqstannyń kóptegen oblystarynda antıtsıklonnyń yqpalymen shýaqty jyly aýa raıy kútilýde, ortalyqta, ońtústik jáne ońtústik-shyǵysta jel soǵady,
dep habarlaıdy Qazgıdrometke silteme jasap, TJM-niń baspasóz qyzmeti.
Batys aımaǵynyń jekelegen aýdandaryndaǵy kún raıy boljam boıynsha ystyq bolady.
Jambyl oblysyndaǵy keıbir jerlerde 15-20 m/s jyldamdyqpen jel soǵady, jel ekpini 25 m/s deıin jetedi, jekelegen aýdandarda shańdy daýyl bolady.
Almaty, Ońtústik Qazaqstan oblystarynda keıbir jerlerde 15-22 m/s jyldamdyqpen ekpindi jel soǵýy yqtımal.
Qyzylorda oblysynyń keıbir jerlerinde jeldiń jyldamdyǵy 15-22 m/s deıin jetedi, shańdy daýyl bolady.
Soltústik Qazaqstan oblysynda túnde jáne tańerteń keıbir jerlerde tuman túsedi.
Shyǵys Qazaqstan oblysynda 0-5 gradýsqa deıin úsik júredi dep kútilýde.
Atyraý oblysynda kún ystyq bolady dep kútilip otyr. Ońtústik pen shyǵysta keıbir jerlerde órt qaýiptiligi joǵary bolady.
Jaqyn táýlikterde respýblıkanyń ońtústik, ońtústik-shyǵys jáne shyǵysynda sý deńgeıleriniń aýytqýlary kútilýde.
