Shyǵys Qazaqstan oblysynda temirjoldaǵy órt sóndirildi
ASTANA. QazAqparat - Shyǵys Qazaqstan oblysynda temirjolda bolǵan órt sóndirildi. Oblystyq Tótenshe jaǵdaılar departamentiniń málimetinshe, oqys oqıǵa 10 shilde kúni keshke Jańǵyztóbe stansasynda bolǵan. Tilsiz jaý kesilgen aǵash materıaldary tıelgen úsh júk vagonyn sharpyǵan, olardyń kólemi 270 sharshy metrdi qamtydy.
«Órt sóndirýshiler kelgenshe, basqa vagondar aǵytylyp, qaýipsiz qashyqtyqqa kóshirildi. Órtke qarsy qyzmet te der kezinde jetip úlgerdi. Olarǵa órt sóndirý poıyzyn kómekke shaqyrǵan temirjol qyzmetkerleri de qosyldy. Biriktirilgen kúshtiń arqasynda tilsiz jaý aýyzdyqtaldy, alaıda, mundaı órtti tolyq sóndirý kúrdeli jumys. Zardap shekkender joq», - delingen TJD habarlamasynda.
