Shyǵys Qazaqstan oblysynda taýdaǵy qaýip týraly eskertildi
ÓSKEMEN. QazAqparat –Shyǵys Qazaqstan oblysynda qar kóshkini qaýpi áli de saqtalýda, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, naýryz aıynyń birinshi onkúndiginde óńirde jıi qar aralas jańbyr jaýyp, jel ekpini kúsheıe tústi. Taýly aımaqtarda kóshkin júrý qaýpi artqan.
«Osyǵan baılanysty «Qazseldenqorǵaý» ShQOF qyzmetkerleri tıisti sharalardy qolǵa alýda. «Óskemen-Altaı», «Óskemen-Samar» jáne «Óskemen-Severnoe» baǵytyndaǵy joldar jabylǵan. Asa qaýipti ýchaskelerde qar túsirý jumystary júrgizilýde. Naýryz aıynyń basynan beri birneshe márte jarylystar jasalyp, qardyń jalpy kólemi 534 900 tekshe metr bolatyn 39 ýchaske tazartylǵan», - delingen habarlamada.
Sońǵy eki kúnde «Altaı-Pýtıntsevo» jáne «Óskemen-Tarǵyn-Samar» tasjoldarynyń boıynda jasandy jolmen qar kóshkini júrgizilip, 20100 tekshe metr qar túsipildi.
«Demalys kúnderi oblysta daýyldy eskertý jarııalandy. Jaýyn-shashyn bolady dep kútilýde», - delingen vedomstvo málimetinde.
Osy rette, TJD mamandary óńir turǵyndaryna taýly jerlerge barmaýǵa keńes beredi. Qandaı da bir qıyn jaǵdaıǵa tap bolsańyz «112» telefonyna qońyraý shalǵanyńyz jón.
