Shyǵys Qazaqstan oblysynda taǵy 4 oqýshydan koronavırýs anyqtaldy
ÓSKEMEN. QazAqparat – Shyǵys Qazaqstan oblysynda juqpaly dertke shaldyqqan oqýshylar sany 62-ge jetti, dep habarlaıdy QazAqparat tilshisi.
ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetine súıensek, naýqastardyń 37-si kezekshi synyptarda bilim alady, qalǵan 25 bala qashyqtan oqıdy.
«Naqty aıtsaq, Rıdder qalasynda - 12, Altaı aýdanynda - 11, Glýbokoe aýdanynda - 11 , Óskemende - 10, Semeıde - 7 , Kókpekti aýdanynda - 5, Shemonaıha aýdanynda - 2, Kýrchatov qalasynda - 2 jáne Kúrshim men Katonqaraǵaı aýdandarynda bir-bir oqýshydan koronavırýs juqtyrdy», - dep habarlady vedomstvo ókilderi.
Oblystyq Bilim basqarmasynyń málimetinshe, jalpy aımaq boıynsha 647 mektepte 191 757 oqýshy bar. Qazirgi ýaqytta 376 bilim ordasyndaǵy (58%) 33 078 oqýshy mektep qabyrǵasynda bilim alýda. Al 271 mektep qashyqtan oqytý formatyna kóship, 107 543 oqýshy úıden oqýda.
Esterińizge sala ketsek, osyǵan deıin ShQO-da 58 oqýshynyń koronavırýs juqtyrǵandyǵy habarlandy.
