Shyǵys Qazaqstan oblysynda sýǵa batyp ketken qutqarýshyny izdeýde
ASTANA. QazAqparat - Shyǵys Qazaqstan oblysynda sýǵa batyp ketken qutqarýshyny izdestirýde.
«2017 jylǵy 14 mamyrda ShQO Kúrshim aýdany Qaroı aýyly Qaljyr ózeni, «Qıyn sý» ýchaskesinde Shyǵys óńirlik aeromobıldik jedel qutqarý jasaǵynyń kúshteri 12 mamyrda ózennen ótpekshi bolǵanda batyp ketti degen boljammen 1974 jyly týǵan azamatty izdedi.
14.05. saǵat 21.17-de Shyǵys óńirlik aeromobıldik jedel qutqarý jasaǵy 9-shy bólimshesiniń qutqarýshysy qatty aǵyn kezinde úrlemeli qaıyq aýnap ketýi saldarynan joǵalyp ketkeni týraly aqparat kelip tústi. Qutqarýshy izdeý-manevvrlik top quramynda bolǵan.
Oqıǵa ornyna qutqarý kúshteri men quraldar jiberildi», - dep habarlady ІІM TJK resmı ókili Rýslan Imanqulov.
