Shyǵys Qazaqstan oblysynda sý deńgeıi kúrt kóteriledi, sý tasýy múmkin - 4 shildege arnalǵan aýa raıy boljamy
ASTANA. 3 shilde. QazAqparat - Uzaqqa sozylǵan jańbyrlarǵa baılanysty 3 jáne 5 shilde aralyǵynda Shyǵys Qazaqstan oblysynda sý deńgeıiniń kúrt kóterilýi kútiledi, sý tasqyndary men betkeılik aǵystar oryn alýy múmkin,
dep habarlaıdy «Qazgıdromet» RMK-nan.
4 shilde kúni Qazaqstan aýmaǵynyń kóp bóligi atmosferalyq frontaldyq aǵymdardyń yqpalynda bolady, olarmen birge jańbyr jaýyp, respýblıkanyń shyǵysynda keıbir jerlerde óte qatty nóserletedi, burshaq túsýi múmkin. Keıbir jerlerde naızaǵaı jarqyldap, jel kúsheıedi.
Almaty, Batys Qazaqstan, Aqtóbe, Pavlodar oblystarynda, kúndiz Ońtústik Qazaqstan, Mańǵystaý, Atyraý, Qaraǵandy oblysynda keıbir jerlerde jel 15-20 m/s jyldamdyqpen soǵady.
Soltústik Qazaqstan oblysynda túnde jáne tańerteń keıbir jerlerde tuman túsedi. Shyǵys Qazaqstan oblysynda keıbir jerlerde jeldiń 15-20 m/s jyldmadyqpen soǵýy kútilýde, burshaq túsýi múmkin. Atyraý, Aqtóbe, Qyzylorda, Ońtústik Qazaqstan, Almaty, Jambyl, Qaraǵandy oblystarynyń keıbir jerlerinde tótenshe joǵary órt qaýiptiligi saqtalýda.
Qyzylorda, Aqtóbe, Ońtústik Qazaqstan, Batys Qazaqstan, Atyraý, Qostanaı oblystarynda keıbir jerlerde kún qatty ysıdy.
