Shyǵys Qazaqstan oblysynda sý astynda 230 úı qalyp otyr - ІІM
ASTANA. QazAqparat - Shyǵys Qazaqstan oblysynda 230 turǵyn úı sý astynda qalyp otyr. Bul týraly búgin Astanada ótken baspasóz máslıhatynda QR ІІM Tótenshe jaǵdaılar komıteti tóraǵasynyń birinshi orynbasary Sábıt Bıtaev aıtty, dep habarlaıdy QazAqparat.
22 aqpannan bastap 26 naýryz aralyǵynda el aýmaǵynda 585 turǵyn úıdi sý basqan bolatyn. Búgingi kúni Shyǵys Qazaqstan oblysynda 230 úı sý astynda qalyp otyr. Mınıstr orynbasary ıÝrıı Ilın bastaǵan jedel top búgin Shyǵys Qazaqstan oblysyna attanady», - dedi ol.
Komıtet ókiliniń aıtýynsha, Shyǵys Qazaqstan oblysyna Ońtústik Qazaqstan, Almaty oblystarynyń tótenshe jaǵdaılar departamentteriniń qutqarý kúshteri, Almaty qalasynda ornalasqan Respýblıkalyq jedel qutqarý jasaǵy jiberilgen.
«Sonymen qatar Ońtústik Qazaqstan oblysynan ushaqpen Shyǵys Qazaqstan oblysyna laı sýlardy soryp alý úshin motopompalar jetkizildi. Búgingi kúni Shyǵys Qazaqstan oblysynda qajetti jumystar júrgizilip jatyr», - dedi Sábıt Bıtaev.
