Shyǵys Qazaqstan oblysynda Pfizer vaktsınasyn 800-ge jýyq adam saldyrdy

ÓSKEMEN. QazAqparat – Shyǵys Qazaqstan oblysynda Pfizer vaktsınasyn 800-ge jýyq adam saldyrdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha koronavırýsqa qarsy Pfizer vaktsınasyn saldyryp jatqan balalar men jasóspirimder, júkti jáne bala emizetin áıelder sany artýda. Qazirgi ýaqytta jalpy sany 767 adam ekpe alǵan.

Osy rette, Kúrshim aýdanynda vaktsınalaý qarqyny joǵary. Aýdandyq aýrýhananyń bas dárigeri Láılim Shoqaevanyń aıtýynsha, 2 myńǵa jýyq bala vaktsına alady dep josparlanyp otyr.

«Keshe bizge Pfizer dozasynyń 540 dozasy jetkizildi. Saǵat 8.00-den bastap balalar ata-analarymen kelip jatyr. Qazir 60-qa jýyq ata-ana balasyna ekpe jasatýǵa nıet bildirdi. Kópshilik vaktsınany asyǵa kútkenderin jetkizýde», - dedi ol.