Shyǵys Qazaqstan oblysynda órtten 2 adam qaza boldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda jer úıde órt shyǵyp, 2 adam kóz jumdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 30 qarashada saǵat 06.37-de Beloýsovka kentindegi Mıra kóshesinde ornalasqan jer úıde órt shyqqan. Qyzyl jalyn úı qabyrǵasyn, jıhazdardy, turmystyq tehnıka men jeke zattardy sharpydy. Qutqarýshylar órtti sóndirý barysynda 1948 jylǵy er adam men áıeldiń máıitin tapty.
Kóp uzamaı 70 sharshy metrge jaıylǵan tilsiz jaý aýyzdyqtaldy. Sonymen qatar órt sóndirýshiler úı ishinen 2 gaz ballonyn alyp shyqqan. Órtti óshirýge jeke quramnan 9 adam men 5 tehnıka jumyldyryldy. Altyn ala málimet boıynsha órttiń shyǵýyna – temeki shegý kezindegi abaısyzdyq sebep bolǵan.
«Óńirde jyl basynan beri jer úıdegi órtten 46 adam kóz jumdy. Kóp jaǵdaıda qaıǵyly oqıǵalar órt qaýipsizdigi erejelerin saqtamaýdyń saldarynan týyndap jatady. Sondyqtan turǵyndarǵa barynsha abaı bolýy qajettigin eskertemiz», - dep habarlady vedomstvo ókilderi.
