Shyǵys Qazaqstan oblysynda órt kezinde bir adam qaza taýyp, úsh adam zardap shekti
ÓSKEMEN. Qazaqparat - Semeıde Ozerkı aýylynda jekemenshik úıde órt shyqty, dep habarlady ShQO TJD-ge silteme jasap «Qazaqparat» HAA tilshisi.
Oqıǵa ornyna jetken órt sóndirýshiler jarylystyń aldyn alyp, gaz ballonyn shyǵaryp úlgerdi. Tekserý barysynda 52 jastaǵy úı ıesiniń múrdesi tabyldy.
Eki adam zardap shekken, olardy terezeden shyǵaryp úlgerdi. Olar jaraqat alǵan, kúıgen jerleri de bar. Dárigerler qaraǵannan keıin olar aýrýhanaǵa jatýdan bas tartty.
Kórshilerdiń aıtýynsha, turǵyndar birneshe kún boıy ishimdik ishken. Jalyn ishten tutanǵan. Órt sóndirýshilerdi kýágerler shaqyrǵan.
Órt sharpyǵan alań 150 sharshy metr. Ony aýyzdyqtaýǵa segiz adam, úsh arnaıy tehnıka jumyldyryldy.
TJD-ǵa sol kúni Stepnoı kentinde garajdaǵy kóliktiń bólshekteri janǵanyn habarlady. Jalyn garaj shatyryna, aǵash torlarǵa jaıylǵan. Órt sóndirýshiler jalyndy aýyzdyqtap, onyń taralýyna jol bermedi. Saldarynan kólik ıesi zardap shekti. Onyń oń bilegi kúıgen ol travmotologııa bólimshesine jetkizildi.
Órt sharpyǵan alań otyz sharshy metr. Tilsiz jaýdy aýyzdyqtaýǵa bes adam, eki tehnıka qatysty.
